Бозатаўлы Абдирасул «Online typing english competition» таңлаўында бронза медалын жеңип алды

2020-жылдың 26-27-апрел күнлери ELPC шөлкеми тәрепинен 1-11-класс оқыўшылары арасында өткерилген ОТЕС (online typing english competition) өткерилген еди. Оған Қарақалпақстан Республикасы Бозатаў районынан 3-санлы мектептиң 8-класс оқыўшысы Абдирасул Уббиниязов қатнасып, бронза медалы менен сыйлықланды. 2021-жылда Абдирасул ушын әўметли басланды. Өйткени, ол жақында Ташкент қаласында өткерилген «National spelling Bee Lexical skills competition» атамсындағы пәнлер олимпиадасының финал басқышына белсене қатнасып, арнаўлы сертификат ҳәм статуетка менен сыйлықланды.
Өз билими менен районымыздың абырайын халықаралық ҳәм миллий таңлаўларда мүнәсип қорғаған Абдирасулди бүгин район ҳәкими М.Кайпанов жетискенлиги менен қутлықлап, алдағы оқыўларында табыслар тиледи ҳәм келешекте буннанда жоқары нәтийжелерге ерисиўине исеним билдирди.

Бозатаў районы ҳәкимлигиниң Мәлимлеме хызмети