Почта байланыс бөлиминде заманагѳй мǝмлекетлик хызметлер кѳрсетилиўи жолға қойылды.

Өзбекстан Республикасы Президентиниң 2020-жыл 5-октябрдеги ПҚ-6079 санлы Пәрманы менена Физикалық ҳǝмде юридикалық тǝреплерге интерактив мǝмлекетлик хызметлерден пайдаланыўда қолайлықлар жаратыў мǝселеси белгиленген. Усы мүнǝсибет пенен Бозатаў районындағы “ϴзбекистан почтасы” АЖ Қарақалпақстан филиалына қараслы «Қазанкеткен» почта байланыс бөлиминде «Санлы ϴзбекистан-2030» стратегиясы шеңберинде 15 түрдеги мǝмлекетлик электрон хызметлерин көрсетиў жолға қойылыўына байланыслы усы жылдың 15-декабрь сәнесинде салтанатлы ашылыў мǝресими болып ѳтти.

Мǝресимге район ҳǝкими орынбасары, мǝлимлеме технологиялары ҳǝм коммуникацияларын раўажландырыў министрлигиниӊ  Қарақалпақстан  Республикасы аймақлық басқармасы ҳǝмде Ўзкомназорат Қарақалпақстан  Республикасы аймақлық инспекциясы, сондай ақ райондағы бир қатар мекеме шѳлкемлер уǝкиллери қатнасты.

Район ҳәкимлигиниң Мәлимлеме хызмети